Euskal dendak pandemiaren hutsuneak gainditu nahi ditu

    Asteburu luze honetan, Euskal Denda berriro ere izango dugu Durangon, izan ere, Euskal Herriko artisauen erakusleihorik handienetarikoa izango da, aurten ere, eta aukera paregabea izango da euskal lurralde guztietako berrogeita hamar artisau inguru ikusteko.
    Abenduaren 7tik 11ra bitartean, Euskal Dendak Durangoko jarduera kulturalak osatuko ditu, eta artisau produktu bakar eta originala maite dutenak bilduko ditu berriro, merkatu plazan.
    Irekiera ekitaldian Inma Garrastatxu Durangoko alkatea, Julián Ríos eta Iker
Urkiza, alkateordeak egon dira, haiekin batera, Asun Elorriaga eta Aingeru Mimentza Gerediaga Elkarteko idazkaria eta zuzendaritzako kidea, besteak beste. Guztiek nabarmendu dute artisauen azokaren balioa, izan ere, pozik agertu dira pandemia ondoren Durango berriro ere “Euskal Herriko erreferente kulturala izango delako”.
    Guztira 50 artisau batuko dira, eta 26. edizio honetan ez du beherantz egingo
kalitateari dagokionez. Izan ere, ekitaldi honen sustatzaileek, Euskal Herriko Artisautza Tradizionala Sustatzeko Elkarteak, Arbasok, adierazi dutenez, “gizartea eraldatu egin dela eta artisautzaren kontzeptua eta balioa ulertu duela ikusi dugu azkenaldian. Zentzu horretan aldaketa bat egon dela dirudi, eskuz egindakoari balioa ematen hasi zaio. Hori guztia gure profesionalek bermatzen dute, bizitza eta ekoizpen ibilbide luzeekin, eta objektu paregabeak sortzen dituzte”.
    Hala ere, elkarteko bozeramaileek uste dute “krisia gurekin gogortu dela. Sektore txikia gara, eta batzuetan ez da premia handikoa; horregatik, tailerrak biziki ari dira nozitzen egungo egoera. Izan ere, krisialdiak pertsiana jaistera behartu gaitu”. 

Alabaina, itxaropenez begiratzen diote artisautza tradizional eta garaikidearen urteroko erakusleihorik garrantzitsuenari, pandemiarekin galdutako normaltasuna berreskuratzen baitu. “Aspaldi izan bazen ere, egia esan, COVID-19aren itzala oraindik atzetik dugu, eta guk, artisauok, ezin dugu ahaztu horrek egin digun kaltea, merkatuen jarduera oro bertan behera utzita, batzuetan kalte konponezina izan dela. Horregatik, Durangoko topaketa hain garrantzitsua da, alde batetik, diren datengatik, Euskal Liburu eta Disko Azokarekin batera ospatzen delako eta, bestetik, artisauak azoka eta merkatuetan duelako bere merkaturatze-iturri nagusia. Gero eta gehiago dira online espazioa dutenak, baina ikusleek ikusi, sentitu, usaindu eta jo nahi dute, eta hori da Euskal Dendan egin dezakeena”, onartu dute Arbasoko orderkariek.