Artisau berriak II

Lehen aldiz Durangon dauden artisau berriak aurkezten jarraitzen dugu. Bizkaiko ordezkaritza honako profesional hauekin osatuko da.BUIA TAILERRA: 35 urteko ibilbidea du Paco Seco artistak. Bilboko Buia auzoan duen tailerretik, buztinaren sormena eta originaltasuna lantzen ditu. Zeramikaren erreferente handienetako bat da Bizkaian eta bere lanak arlo publikoan zein pribatuan aintzatetsiak izan dira. Produktu berezia nahi baduzu, haren esku utzi eta seguru berak lortuko dizula “etxe diferentea”. 

 

 

   

 

 

REDMASAI: Larruarekiko esperientzia handiko duen klasikoa da. RedMasain balioetsi egiten dute bai prozesua, bai materiala. Arrietako baserriko tailerrean gauzak ondo eginda egon nahi/behar dute, xehetasunak zainduz, izan ere, ez dute erabilitako denbora neurtzen, inportanteena da ondo egitea. Beraien proposamenak edo besteren erronkak onartzen dituzte, beraz, eskatu nahi duzuna, egiteko gai baitira. 

ARETXEDERRA: Larruzko lanari ekin eta ekin dabiltza, hori dela eta, diseinu propioak planteatzen ditu Sopuertako tailerrak. Izan ere, bizitza daramatzate larruari forma emanez, beti eskuz, mimoz eta arreta bikainez. Durangora iritsi dira azken bildumekin, esaterako, diru-zorroak, gerrikoak, poltsak eta burutik pasatzen zaizun guztiekin, besteak beste. Maisutasun osoz egindako lana, eta betiere ikasten jarraitzeko prest. 

 

 NAFARROA: 26. Euskal Denda honetan bi dira Nafarroko artisau berriak : 

KURUNKUN TXOTXONGILOAK: Txotxongiloak egiten dituzte, hala ere, bereak ez dira edozein txotxongilo. Izan ere, tailer honen sustatzaileak hezitzaile eta psikomotrizista gisa prestatuta daude, are gehiago, arteterapian espezializatuak dira. Horregatik, txotxongiloek eremuarekin konektatzeko balio dute. Fantasiazko mundua sortu dute beren pertsonaiekin; katuak, txakurrak, saguak, lehoiak, otsoak, maitagarriak, iratxoak, gudariak, sorginak, besteak beste. 

LOS JABONES DE MONTSE: Xaboi guzti-guztiak honela eginda daude: landarez beratuak, horietako asko haren baratzean landuak. Euskal Dendan aurkeztu du bere burua lehendabizikoz. Los jabones de Montse-ren xaboiak osagai naturalekin egindakoak dira, eta hasi hasieratik eskuz ekoiztuak. Horregatik mimatzen eta ahalegintzen dira etapa bakoitzean prozesu berezia izatea.  Ingurumena errespetatzen dute, izan ere, haren produktuak plastikorik gabe daude eginda.

GIPUZKOA: Gipuzkoako nobedade bakarrak hurrengo izena du

LANBERA: Urteetan zehar Gipuzkoako bakarrak izan dira, izan ere, 30 urte baino gehiago daramatzate sektorean, zurezko jostailuak sortzen, betiere helburu didaktikoarekin. Horregatik, Durangon puzzleak, erratzak, balantzeak aurkeztuko dituzte. Horiei guztiei bizia emateko, zur mota desberdinak erabiltzen dituzte, beti modu naturalean tratatua. Sormen-prozesua taulen lodieran oinarritzen da, neurrira egindako ebaketa, lixatzea eta pintatzea, betiere toxikoak ez diren pinturekin. 

LAPURDI: Lurralde horretatik honako artisaua etorriko da: 

ESKUZ HOLAKATUA: Brigitte Ryckenbusch Eskuz Holakatuaren arima da. Ainhoako artisau honek zurezko objektu apaingarriak sortzen ditu; gehienak euskal kulturan sortutakoak. Baina ez da horretan aritzen den gauza bakarra; lanak haurrentzako gelen dekorazioa du iturri nagusitzat. Gainera, ez da zaila izango Brigitte lanean ikustea, hori dela eta, aprobetxatu aukera eta eskatu zuk nahi duzuna, bertan egingo baitizu.